Google ADS

Ahmeti i LDK-së uron Vetëvendosjen: Ne do të vazhdojmë të punojmë me përkushtim

14:32 | 15 Shkurt 2021
V. S.

Imri Ahmeti nga Lidhja Demokratike e Kosovës, njëherit kryetar i Lipjanit, ka uruar Lëvizjen Vetëvendosje për fitoren e korrur mbrëmë.

Ai ka thënë se LDK do të vazhdojë të mbetet e përkushtuar për qytetarët dhe Lipjanin.

Postimi i tij i plotë:

Të nderuar qytetarë,

Vendi ynë dje ka dëshmuar pjekurinë e një procesi zgjedhor të rregullt e demokratik.

Duke njohur rezultatin dhe procesin demokratik gjejmë rastin për ta uruar edhe fituesin e këtyre zgjedhjeve Lëvizjen Vetevendosje!

Dua të falënderoj të gjithë qytetarët dhe institucionet përgjegjëse për organizim të zgjedhjeve dhe të gjithë ata që u angazhuan në procesin zgjedhor për punën dhe angazhimin.

Ne do të vazhdojmë të punojmë me përkushtim dhe me përgjegjësi para qytetarëve duke respektuar vendimin e sovranit.

Unë do mbetem i përkushtuar në Lipjan- Me punë për Lipjanin!/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm